Lidhja Demokratike e Kosovës  Dega IV Prishtinë

 

 Statuti i Lidhjes Demokratike të Kosovës

 

VII. MJETET FINANCIARE TË LDK-së

Neni 51

LDK-ja realizon të ardhura nga buxheti, anëtarësia, kontributet vullnetare, veprimtaria botuese dhe format e tjera të veprimtarisë afariste dhe të marketingut.

Këshilli i Përgjithshëm i LDK-së, me propozim të Kryesisë Qendrore të LDK-së, cakton lartësinë e anëtarësisë për çdo vit kalendarik, si dhe destinimin dhe mënyrën e shfrytëzimit të tyre.

Për mjetet financiare të LDK-së dhe mënyrën e shfrytëzimit të tyre, Kryesia e LDK-së i raporton Këshillit të Përgjithshëm për çdo dy vite, përkatësisht Kuvendit të LDK-së.

LDK-ja ka llogarinë e vet bankare.

Llogari bankare mund të hapin edhe degët e LDK-së.

Për Degët e LDK-së në diasporë do të aplikohet edhe më tutje Fondi për Demokratizim i LDK-së. 

Kryesia e LDK-së autorizon anëtarin e Kryesisë për deponim të nënshkrimit te banka e autorizuar.