Lidhja Demokratike e Kosovës  Dega IV Prishtinë

 

 Statuti i Lidhjes Demokratike të Kosovës

 

V. PËRGJEGJËSIA DISCIPLINORE

Neni 48

Anëtari i LDK-së është i detyruar t’i përmbahet Programit dhe Statutit të LDK-së dhe vendimeve të organeve të LDK-së. Ndaj anëtarit të LDK-së, i cili vepron kundër Programit dhe Statutit të LDK-së dhe kundër vendimeve dhe qëndrimeve të organeve të LDK-së, në të gjitha shkallët e organizimit të tyre, mund të shqiptohen masa disciplinore.

Masat e përgjegjësisë disciplinore janë:

• vërejtje me shkrim dhe
• përjashtim nga anëtarësia e LDK-së.
• Procedura disiplinore zhvillohet sipas Rregullorës për procedurat disiplinore, të cilën e miraton Këshilli i Përgjithshëm i LDK-së.

Neni 49

Inicimin e procedurës për përgjegjësi disciplinore mund ta bëjnë, sipas kërkesës me shkrim  Kryesia e Degës së LDK-së për territorin e degës, përkatësisht Kryesia e LDK-së për gjithë organizimin e LDK-së.

Zhvillimin e procedurës disciplinore, shkallën e përgjegjësisë disciplinore dhe shqiptimin e masës disciplinore e bën Komisioni disciplinor i caktuar nga Këshilli i Përgjithshëm i LDK-së.

Personit, ndaj të cilit zhvillohet procedura disciplinore, para marrjes së vendimit, duhet t’i mundësohet pjesëmarrja në procedurë dhe sqarimi mbi të gjitha provat, faktet dhe rrethanat të cilat i vihen në barrë.

Kundër vendimit të Komisionit disciplinor mund të ushtrohet ankesë Këshillit të Përgjithshëm, si organ i shkallës së dytë, në afatin prej 15 ditësh nga dita e marrjes së vendimit.

Vendimi mbi shqiptimin e masës disciplinore duhet të jetë i arsyetuar dhe të përmbajë udhëzimin juridik mbi mjetin ankimor.

Ankesa e ndalon ekzekutimin e vendimit.

Vendimi i Këshillit të Përgjithshëm, sipas procedurës së ankesës, është definitiv.