Lidhja Demokratike e Kosovës  Dega IV Prishtinë

 

 Statuti i Lidhjes Demokratike të Kosovës

 

                      

III. ANËTARËSIA

Neni 11

Anëtar i LDK-së mund të bëhet çdo qytetar madhor i cili e pranon programin dhe Statutin e LDK-së.

Anëtarësimi bëhet me deklarim të lire, në formë të shkruar.

Degët e LDK-së duhet ta mbajnë regjistrin anëtarësisë dhe anëtarëve u lëshon kartelën e anëtarësisë.

Në LDK nuk mund  të anëtarësohet personi, puna dhe sjellja e të cilit është në kundërshtim me Programin dhe Statutin e LDK-së.

Neni 12

LDK-ja mund të ketë edhe anëtarë nderi.

Anëtarët e nderit, me propozimin e Kryesisë së LDK-së, i shpall Kuvendi, ndërsa ndërmjet dy Kuvendeve, shpalljen e bën Këshilli i Përgjithshëm i LDK-së.

Neni 13

Të drejtat dhe detyrat e anëtarit të LDK-së janë:

• t’i përmbahet Programit dhe Statutit të LDK-së;
• t’u përmbahet vendimeve dhe synimeve programore të LDK-së;
• të zgjedh dhe të zgjedhet në organet e LDK-së;
• të informohet për veprimtarinë e LDK-së;
• të ruaj nderin, autoritetin dhe interesat e LDK-së;
• të paguajë anëtarësinë.

 

Anëtari i LDK-së gëzon të drejta dhe merr edhe detyrime të tjera të përcaktuara me Statut  dhe me vendimet e organeve të LDK-së.

Neni 14

Anëtarësimi në Lidhjen Demokratike të Kosovës pushon me:

• dorëheqje nga anëtarësia,
• fshirje nga evidenca dhe
• përjashtim nga LDK-ja.

Neni 15

Anëtari i LDK-së i cili jep dorëheqje nga anëtarësia, duhet ta informojë për këtë Kryesinë e Degës. Me kërkesën e tij mund t’i lëshohet vendimi me shkrim.

Fshirja nga anëtarësia bëhet nga ana e Kryesisë së Degës, me ç’rast, në bazë të deklarimit të tij publik, konstatohet se ai më parë ka hequr dorë nga anëtarësia ose është anëtarësuar në parti tjetër politike.

Inisiativën për fshirje nga evidenca, sipas alinesë paraprake, mund ta japë secili nga organet e LDK-së.

Neni 16

Në kuadër të LDK-së veprojnë Forumi i Gruas dhe Forumi i Rinisë, të cilët aktivitetin e tyre e zhvillojnë në bazë të Programit dhe Statutit të LDK-së.

Forumi i Gruas dhe Forumi i Rinisë kanë Rregullore të posaçme për punën e tyre.

Në kuadër të LDK-së veprojnë edhe grupe të interesit, siç janë: veteranët e luftës, pensionistët, invalidët, dhe grupe ad hoc, si dhe grupi për të zhdukurit.

Në kuadër të LDK-së vepron Unioni i Ndërmarrësve të Vegjël dhe të Mesëm (NVM), por mund të formohen edhe grupe të tjera interesi për t'i mbrojtur interesat e tyre brenda LDK-së.