Lidhja Demokratike e Kosovës  Dega IV Prishtinë

 

 Statuti i Lidhjes Demokratike të Kosovës

 

                      

II.SYNIMET DHE VEPRIMTARIA E LDK-së

Neni 5

Synimet dhe veprimtaria e LDK-së përcaktohen me Programin e saj politik dhe me dokumentet e tjera të miratuara në Kuvendin e LDK-së.

Neni 6

Puna e LDK-së dhe e organeve të saj është publike.

Organi i LDK-së mund të vendosë që për realizimin e detyrave programore të përdorë edhe forma të tjera, në përputhshmëri me Kushtetutën dhe me ligjet e Kosovës.

Neni 7

Për synimet dhe veprimtarinë e saj, LDK-ja, nëpërmjet të mekanizmave të saj e informon rregullisht anëtarësinë dhe opinionin.

LDK-ja mund të botojë organin e vet informativ – politik, si dhe mund të ketë mjete dhe forma të tjera të komunikimit publik.

LDK-ja mund të nxjerrë edhe botime të tjera.

Neni 8

LDK-ja, për nevojat e veta, ka organin e vet informative.

Organi administrative i LDK-së është QIK-u (Qendra për Informim e Kosovës)

Neni 9

Qendra për Informim, veprimtarinë e vet e zhvillon në bazë të Programit, Statutit të LDK-së dhe të qëndrimeve të Kryesisë Qendrore të LDK-së.

Qendra për Informim për punën e saj i përgjigjet dhe i paraqet raporte të rregullta Këshillit të Përgjithshëm të LDK-së për çdo dy vjet, si dhe në rastet kur ai këtë e kërkon prej saj.

Për veprimtarinë konkrete dhe organizimin e brendshëm, Qendra për informim miraton Rregullore të posaçme, e cila duhet të jetë në përputhje me Programin dhe Statutin e LDK-së.

Neni 10

LDK-ja bashkëpunon me parti të tjera politike dhe me asociacione që veprojnë në Kosovë si dhe jashtë saj.

LDK-ja mund të anëtarësohet në asociacione të tjera ndërpartiake në Kosovë dhe jashtë.

Vendimin për anëtarësim në asociacione të tjera e merr Kuvendi i LDK-së, kurse në mes të dy kuvendeve - Këshilli i Përgjithshëm i LDK-së.