Lidhja Demokratike e Kosovës  Dega IV Prishtinë

 

Dega e IV-të e FRLDK-së Prishtinë, realizoi projektin me temë “T’i luftojmë dukuritë negative tek të rinjtë” në periudhën Maj -Korrik 2007

  

 

 

Vet tema e projektit “T’i luftojmë dukuritë negative te të rinjtë” shfaqi një interesim jashtëzakonisht të madh te të rinjët. Projekti ishte në formë të fushatës dhe përgjithësisht ju kushtua vetëdijësimit të rinisë për pasojat që shkatohen nga konsumimi i drogës, alkoolit dhe duhanit. Ai u organizua nëpër shkollat e mesme të Prishtinës. Kjo fushatë kishte për qëllim sensibilizimin dhe informimin e të rinjve ndaj dukurive negative. Implementimi i projektit u parapa të zhvillohej në dy faza. Faza e parë ishin trajnimet (ligjëratat) nëpër shkolla të Mesme të Prishtinës. Ato u zhvilluan në formë të bisedave të hapura. Interesimi i nxënësve të shkollave të mesme të Kryeqytetit ishte mjaft i madh.

Ligjërues në këto trajnime ishin anëtarët e Kryesisë së degës së VI-të Visar Emini Magjistër i Farmacisë dhe Fatos Mustafa absolvent i Fakultetit Juridik.

Trajnimet i filluam në Shkollën e Mesme Bujqësore “Abdyl Frashëri” për të vazhduar në Shkollën e Mesme Ekonomike “Hoxhë Kadri Prishtina”, Gjimnazin “Xhevdet Doda”, atë të Mjekësisë ”Dr. Ali Sokoli”, Gjimnazin Gjuhësor “Eqrem Qabej” Shkollën e Mesme Elektroteknike ’’Gjin Gazulli”, për të përfunduar në gjimnazin “Sami Frashëri”. Në kuadër të këtyre trajnimeve paralelisht me zhvillimin e ligjëratave ne bëmë edhe shpërndarjen e rekuizitave, fletushkave dhe posterëve me mbishkrimin “Ti luftojmë dukuritë negative te të rinjtë”.

 

Faza e dytë e projektit ishte shënimi i datave botërore kundër dukurive negative siç janë duhani, alkooli, droga etj.

Më 31 maj 2007 ne shënuam “Ditën Ndërkombëtare Kundër Duhanit” përmes projektit “Kthe një pako cigare merr 1 kg. banane”. Anëtarët e degës tonë ishin të pozicionuar në qendër të kryeqytetit dhe çdo qytetari kosumues i duhanit që jepte një pako me cigare si kompenzim ne u dhurnim atyre nga një kg. banane.

Megjithëse këtë datë e shënuan edhe institucionet dhe organizatat tjera aktiviteti i degës IV u ndoq me një interesim të madh si nga mediat e shkruara dhe ato elektronike poashtu edhe nga një numër i madh i qytetarëve.

Gjithashtu me 26.06.2007 shënuam “Ditën Ndërkombëtare kundër Drogës” Në shenjë sensibilizimi dhe informimi për të rinjtë dega jonë organizoi një mbrëmje argëtuese në lokalin “ CUBE Club ” ku morrën pjesë qindra të rinjë po me këtë datë ishte edhe mbyllja e projektit.